He thu hi vawiina ZPM member, Pu C. Lalsawivunga zawhna kal zela MNF member, Pu Lalrinsanga Ralte-in he hnalakna tur Cancel a nih chhan a zawhna a sawifiahnaah a sawi a. Dr. K. Beichhua chuan, heng hnaruak 22 hnawh khat tur hian kumin January ni 1 khan Adverstisement tihchhuah a ni tih sawiin, Sorkar laipuiin he hna lakna tura inkaihhruaina dan a siamah chuan tualchhung mi lak tur a ni tih a ni a, February ni 9-a Wriiten Exam Result tihchhuah a nih khan exam dang kalphung angin Merrit List-a Exam Result hi tihchhuah niin, mi 54 chu Computer Test leh Interview hmachhawn tura koh an ni a, dan ang chuan taulchhung mi duhsak tur tih a nih bawk si avang leh hei hi sawiselna a awm avangin a tira written Exam-a tling zo lo mi 20 chu Interview nei tura koh veleh an ni a ti a, Poshan Abhiyan Project hnuaia hna lak turah hian a mah chu a tir a\anga engmah hriattir a ni lo tih sawiin, written exam chhuak leh a hnua mithar 20 thun leh a nih pawh hi a hriatpui lova thil tih a nih thu a sawi. He thuthang hi Social Media a\anga a hriat hnuah Department hotute kovin thil awm dan a zawtfiah tih minister chuan a sawi a, \um khat thil an tihsual hnua
\um khat dang tihsual leh a nih thlenga hriattir a ni lo chu thil \ha lo tak a ni tih hrilhin, amah chu a changtu Minister a nih angin he thilah hian mawhphurtu a nih avangin Exam an lo buatsaih tawh chu cancel turin a hriattir tih a sawi. Written Exam-a tling lo a hnua tling anga pawm leh pawh thil dik lo tho a nih avangin he hna lakna tura thil lo kalpui tawh zawng zawng chu a vaia Cancel tur leh Fair taka hnalak a nih theih nan a bul a\anga thil engkim kalpui \hat leh vek chu \ha bera hriat a ni tih a sawi. Dr. K. Beichhua chuan, he hna diltu zawng zawng leh written exam a lo inziak tling tawhte chu zahawm a tih thu sawiin, hetih rual hian he hna lak turah dik leh thianghlim taka thil kalpui a nih theih hmathar lak a ngai bwk si chu hrethiam hram hram turin a ngen a ni.
Social Welfare Minister chuan, Official fel tak tak an awm laia inthlahdah an lo awm \hin chu inenfiah ngai hlea a hriat thu a sawi a. He hna lak turah hian Sorkar laipuiin inkaihhruaina dan a siam chu zawm a ngaih bawk si avangin tha leh zung lo seng tawhte chu an hriatthiamna a dil tak meuh tih a sawi.
