Thih chilh bomb nen car pakhatin Kismayo lawngchawlhna-a Asasey hotel hi a su a, silai kengten luh chilhin an bei zui chiam bawk a ni. Journalist hodan Naleyah leh a pasal te chu thi zingah hian an tel nia hriat a ni a, Islamic group al-Shabab ten he pawikhawihna hi an tih niin an sawi.
Mitthi zingah hian politician pakhat, Kanya leh Tanzania mi pathum ve ve, America mi pahnih leh British mi pakhat an tel tih thuneitute chuan an sawi.
He hotel ah hian tualchhung politician \henkhat leh hnam tenau \henkhat hruaitute chu tualchhung inthlanna neih tur chungchangah an inbiak laiin hetianga beihna hi a thleng a ni.
Helai bial enkawltu sorkar thupuangtu Ahmed Mohamed chuan mitthi hi 26 an ni tih a sawi a, midang 50 chuang an hliam bawk a ni a ti a, silai nena hotel luhchilhtu mi 4 te chu sipaiten an kaphlum ve nghal tih a sawi.
