Sorkar laipui hnuaia Food Safety & Standards Authority of India bultumin vawiin khan Kolasib-ah ei leh in tur thianghlim siam dan mipuite zirtirna beihpuithlak a ni.

0
299
views

Swachh Bharat Yatra, Eat Right India tia hriat bawk chungchanga beihpuithlakah hian thusawiin Kolasib Bawrhsap, Dr.Arun. T chuan tunlai hian natna inkaichhawn theih loh chi hrang hrang BP sang, Zunthlum, Cancer, Lung na leh a dangte mihringten an vei nachhan za zela 90 chu nunphung dik lo, ei leh in hrisel lo vang niin a sawi a, chung zingah chuan ei leh in tih nasat lutuk te, zuk leh hmuam te, taksa sawizawi peih loh te a tel a, heng natna te hi mihringin a vei tawh chuan dam mai thei lo, dam chhung daih a nih avangin a pumpelh turin mahni inthununa uluk taka invawn leh thil \ha lo laka insum a ngai niin a sawi a ni.

Swasth Bharat Yatra campaign hi a huhova thirsakawr-a kala, India ram chhung State tin tuamchhuak turin tun thla ni 16 a\ang khan pawl ruka in\hena neih \an a ni a, pawl paruknaa thirsakawr chuang mite hi 1st Mizo Battalion, NCC mi 23 an ni a, Vairengte thleng thirsakawr-in an tlan dawn a ni. Thirsakawr hmanga pawl hrang hrang a\anga zin chhuakte hian nakkum January ni 27-ah New Delhi an thlengkhawm leh dawn a ni.