Sorkar laipui-in hmarchhak state-a autonomous council hrang hrangte hnenah thuneihna sang zawk leh sum tam zawk pek a tum.

0
476
views

Nilaini khan PM Narendra Modi-a kaihhruaiin cabinet meeting neih a ni a, autonomous council-te hnena thunneihna sang zawk pek theihna tur constitutional ammendment bill chu pawm a ni a, tun thla ni 31-a \an tur Parliament \hutkhawm-ah pharh nghal an rawt bawk a ni. Mi \henkhat chuan he rawtna hi kumina Lok Sabha inthlanpui lo awm tura BJP-in tribal mite a thlemna nia an ngaih thu leh tunhnaia sawi hlawh tak, Citizenship Ammendment Bill chungchanga hmarchhak state-te tihlungawi tumna niin an sawi a, mahse hei hi Home Ministry chuan chhang letin, rawtna hi thil thar a nih loh thu leh kum 2015 khan Cabinet hnenah rawtna hi thawn a nih tawh thu leh state sorkar leh autonomous council te’n an pawm tlan hun an nghak mai zawk niin a sawi ve thung a, an thupuangtute chuan hmarchhak biala autonomous council te hian sorkar laipui ruahmanna (scheme) engemawzat a\ang chauhin sum hmu \hinin, an sum dinhmun a \ha lo hle tih a sawi a, hemi bill hi pass anih chuan mumal takin sum an hmu thei tawh dawn thu niin a sawi ve bawk a ni.

Ammendment Bill hian Public Works Department, Forests, Public Health Engineering, Health and Family Welfare, Urban Development leh Food and Civil Supply department-te chu Assam-a Karbi Anglong Autonomous Territorial Council leh Dima Hasao Autonomous Territorial Council te hnenah hlan a tum nia hriat a ni a, Bill hi pawm a nih chuan Assam, Mizoram leh Tripura te village leh municipal councilah hmeichhe tan seat hmun thuma \hen-a hmun khat hauh a ni dawn bawk a ni.