Sorkar laipuia Minister tharte’n vawiin khan mawhphurhna an la.

0
480
views

Nimina Minister tharte \hutkhawmnaah portfolio sem a ni a, Amit Shah chu Home Minister atan ruat a ni. Amit Shah hian ram venhim leh India rama rawn pem lutte chungchang a buaipui dawn a, Maoist hel pawlte leh mi firfiakte do chu a hna lian ber a nih rin a ni. Home Minister hlui Rajnath Singh chu Defence Minister atan ruat a ni a, mawhphurhna a lak hma hian New Delhi-a National War Memorial a tlawh a, ram tana nunna hlan sipaite zahderna a lantir a ni. Nirmala Sitharaman-i chu Finance Minister atan ruat a ni a, July ni 5 khian Budget session a kaihhruai dawn a ni. S. Jaishankar-a chu External Affairs Minister atan ruat niin Sushma Swaraj-i hnung zuiin theihtawp a chhuah tur thu a sawi a ni.

Santosh Gangwar chuan Ministry of Labour and Employment a chang ang a, Gajendra Singh Shekhawat chu ramin tui lama harsatna a tawhte buaipui tur, Jal Shakti Ministry changin Piyush Goyal chuan Commerce and Industry Ministry leh Railway Ministry, Prakash Javadekar chuan Information and Broadcasting Ministry, Mukhtar Abbas Naqvi chuan Ministry of Minority Affairs a chang ang. Dr. Jitendra Singh chu Minister of State atan ruat a ni a, Ram Vilas Pawan chu Minister of Consumer Affairs, Food and Public Distribution atan ruat a ni a, Shripad Naik chu Ayush Minister atan ruat a ni bawk.

Lok Sabha session hmasa ber hi tun thla ni 17-ah \an a ni dawn a, ni 19-ah Speaker tur ruat a ni ang a, ni 20 hnu lamah Rajya Sabha an \hukhawm dawn bawk a ni.