New Delhi-a Economic Statistic Division, Central Statistic Director Rajesh Kumar Sharma chuan, Rampuma economic statistics kimchang tak nei turin State tinah Index of Industrial Production survey neih chu thil pawimawh tak a nih thu a sawi a, hei hian State tinte hmasawnna kalpui dan tura ruahmanna siam kawngah a pui dawn a ni a ti.
Planning Secretary Dr.C Vanlalramsanga pawhin thusawiin Economics & Statistics Department-in State Index of Industrial Production ground survey an neih chu tunthla ni 6 khan zawhfel thawhkhat a ni tih a sawi a, hei hian ramhmasawnna atan kawng hrang hrangin a pui dawn tih sawiin GDP engtiangin nge a pun tih te, thil siamchhuahna lam, Industrial contribution engzat nge awm tihte a hriatchian theih dawn a, hei hian State Sorkar chu nasa takin a pui dawn a ni a ti.
