Sorkar laipuiin Citizenship Act, 1955 siam \hat a tum mek chu BJP-in Tripura-a thuneihna an chan theihna tur niin rorel lai pawl, Left Front-in sawi

0
486
views

Sorkar laipuiin Citizenship Act, 1955 siam \hat a tum mek chu BJP-in Tripura-a thuneihna an chan theihna tur niin rorel lai pawl, Left Front chuan an sawi a, he dan hi siam \hat a nih chuan, dan lova ram dang a\anga lo l<t tam takin vote an neih theih dawn avangin, BJP-in hmanrua atan a hmang thei dawn niin an sawi. Tripura Assembly-ah hian tribal miten seat hmun thuma \hena hmun khat vel an chang theia ngaih a ni a, tunah chuan Bangladesh a\anga l<t, Hindu tam tak an awm avangin, ram leilung fa, tribal ho chu a tlem zawk an ni tawh a, tunah hian Citizenship Act, 1955 siam \hat tum a nih leh t^k avangin Hindu tam zawkin vote an nei leh thei dawn nia ngaih a ni. Citizenship Act, 1955 siam \hat tumna bill hi nikumah khan Lok Sabha-ah put luh a ni tawh a, Afghanistan, Bangladesh leh Pakistan ram a\anga dan lova lo l<t, Hindu, Sikh, Buddhist, Jain, Parsi leh Kristiante chu ram khua leh tuia pawm theihna tur a ni a, tuna Parliament thlasik \hutkhawmnaah hian pass tum nia hriat a ni. BJP hian an hman thiam loh erawh chuan, he dan siam \hatna hi an \angkaipui lo thei dawn nia ngaih a ni a, Tripura Assembly-a seat 60 zinga 20 hi tribal mite tan hauh a nih avangin, tribal mite thlawpna tel lo chuan Left Front hi an paih thla zo dawn chuang lo a, hei vang hian tribal mite hi an hmin ve a ngai dawn a ni. Left Front hian a zawnin kum 24 chhung, Tripura-ah hian thuneihna an chang tawh a, nakkum kum tir lama inthlang leh tur an ni. Assam-a BJP-in thuneihna an chan theih chhan pawh dan lova lo l<tte a hman \angkai thiam vang nia ngaih a ni a, kum 2014 inthlanpuiah khan he state-a Lok Sabha bial 14 zinga 10 a lak phah b^kah, a hnua Assembly inthlanah pawh thuneihna an chan phah nia ngaih a ni.