Sorkar laipuiin khawpui chhungah social distancing bawhchhiatna, lirthei tlan chhuak leh damdawi ina thawkte chunga tharum thawhnaa te a thleng nasa hle tih a sawi.

0
385
views

Union Health Ministry chuan sorkar laipuiin inter-ministerial team 6 a din a, heng team te hian inkharkhip chhhunga thil thlen dan leh hmalak zel dan tur an thlithlai dawn a, hei bakah hian nitin khawsakna mamawh sem dan tur te, damdawi ina hnathawkte himna tur te an ngaihtuah dawn a ni ti.

Uttar Pradesh, Madhya Pradesh, Bihar leh Bengaluru-ah chuan damdawi in hnathawktute leh police te mipuiin an bei fo a, hri leng kara mipuite himna tura hnathawkte an him zawk theih nan sorkar laipui chuan ruahmanna a siam a ni.

Sorkar laipuiin inkharkhip chhunga kalphung tur a duante chu state leh union territory ten an duhdanin an tidanglam thei lo tih a sawi bawk.

State \henkhat mahni thua vawiin a\anga inkharkhip thlahdul tum an awm avangin Home Secretary Ajay Bhalla chuan chung state te chu lehkha a thawn a ni. Sorkar chuan mahni duh thua inthlahdul chu phal theih a la a ni rih lo tih sawiin, thla hluia Supreme Court-in inkaihhruai dan tur a duan chungchang a sawi chhuak bawk a ni.

Home Ministry chuan State \henkhat leh UT \henkhat inkharkhipna thlahdula, mamawh \ul bika chetchhuah phalna tichhuak an awm chungchang-ah, hei hi Disaster Management Act 2005 hnuaia MDA-in inkaihhruaina a duan kalh a ni a ti.

Inkharkhip thlahdul tum zinga mi Kerala chu home ministry hian lehkha a hranpa-in a thawn a, hmalak an tum dan a pawmpui lo tih a hrilh a ni. Kerala hian restaurant, lehkhabu dawr leh lu mehna dawrte vawiin a\ang khan hawn \an a phal a, mimal lirthei chetvel dan pawh a thlahdul a ni.