Sorkar laipuiin pawisa note hlui cheng 500 leh cheng 1000 a tih tawp champha \um hnihna pualin vawiin khan Congress-in ramchhung hmun hrang hrangah lungawilohna an lantir.

0
437
views

 

Puan tawh angin ningani kha pawisa note hlui tih thih a nih a\anga kum hnihna a ni a, Mumbai, Chennai, Chandigarh, Patna, Jaipur, Bhubaneshwar, Ranchi, Bengaluru leh Delhi-ah te lungawilohna hi lantir a ni a, Himachal Pradesh Congress pawhin Shimla khawpuiah lungawilohna lantirin puan dum an lu an an \awn a, thuziak hrang hrang an tar bakah demonitisation duh lohna an aupui bawk a, an thupuangtu Naresh Chauhan chuan tun dinhmunah chuan ram mipuite’n PM Narendra Modi-a bumna an hriatthiam tawh thu leh kum 2014 inthlanpui dawna pawisa chheprelh lak let an tum pawh tun thlenga tihhlawhtlin a la nih loh thu a sawi a ni. Uttarakhand CM hlui Harish Rawat pawhin BJP kaihhruai sorkar lakah mipui chu an lawm lo niin uar takin a sawi a, demonitisation chu ram tan hlohna nasa tak a nih thu leh hei vanga an lungawilohna lantir an nih thu a sawi a, sorkar laipui hmalaknaah hian mi tlemte chauhin hlawkna an hmu niin a sawi bawk a ni.