Sorkar laipuiin State hrang hrang leh District hrang hrang tana faina lama inelna, Swachh Survekshan Grameen 2018 tun hnaia a buatsaihah Aizawl District chu hmarchhak bial pumah pahnihna a ni a, he lawmman lak hi vawiin khan PHE Department-a Rural Watsan Division Office Laipuitlangah Chief Engineer, Pu C. Lallunghnema hova lawm a ni.

0
672
views

 

A lawmna inkhawm SE Pu Lalrammawia kaihhruaiah he inelna neih dan leh Aizawl District-in lawmman pahnihna a lak dan chanchin Executive Engineer, Pu Lalsanga’n a sawi a, chawimawina certificate leh seal te hi tun thla ni 2, Mahatma Gandhi pianchampha khan New Delhi-ah Union Minister Pi Uma Bharti hnen a\angin an dawng tih a sawi a ni.

Sorkar laipuia Ministry of Drinking Water & Sanitation chuan kumin August thla chhung khan ram puma huapa State hrang hrang leh District hrang hranga thingtlang khuaa faina lama inelna “Swachh Survekshan Grameen, 2018” a buatsaih a, he inelnaah hian State hrang hrang leh UT hrang hrang, a vaiin 34 leh District 685-te an tel a, hetah hian tehna chi hrang hrang hmanga endik a nih hnuah Aizawl District chuan mark za zela 91.16 hmu-in hmarchhak bialah pahnihna lawmman a dawng a, Arunachal Pradesh-a Tawang District chu pakhatna a ni.