Five Star Hotel-ah hian sorkar laka hel MLA te an inkhuar a, Karnataka Chief Minister, HD Kumaraswamy leh Shivakumar te laka an him nan Police te venhimna an ngen a ni.
Police ten an lo dan hian DK Shivakumar chuan heng mite hmu tura kal a nih loh thu leh Hotel pindan pakhat a lo hauh lawk tawha a \hiante nena inhmu tur a nih thu a sawi a, a \hiante hian an lo nghak reng tawh niin a sawi a, luh an phal hma chu a nghah char char tur thu a hrilh a ni.
Darkar 5 a nghah hnuah Mumbaia Congress member, Sanjay Nirupam leh Milind Deora ten finin, Hotel-a a luh theih hma chu an nghahpui ve nghal a ni.
MLA 14 ten banna an thehluh avangin Karnataka-a Congress leh JDS \angdun sorkar chu tlu mai thei dinhmunah a ding mek a ni.
MLA te banna thehluh hi Speaker RAmesh Kumar chuan endikin pariat te banna chu a thehluh dan a dik lo tih a sawi a, hei hian \angrual sorkar tan thawk lakna hun siam deuh mahse, BJP chuan sorkarna siam theihna khawp MLA an nei tih an sawi tawh bawk a, banna thehluttu MLA te hi Supreme Court ah kalin, Speaker hian a mawhphurhna a hlen lo a ni an ti.
