Sorkar laka lungawi lohna lantirtuten Hongkong Parliament an luh chilh.

0
446
views

Lungawilohna lantirtute hian hmai kawr vuahin phaw eng eng emaw inbelin Parliament hi an luh chilh a, an luhna tur daltu apiang tichhia-in, tukverh darthlalangte an vuak chhiat bakah thir kawngkharte an kar chhe bawk a ni. Police te chuan mittui tlakna hlo hmangin mipui pungkhawm hi hnawh kian tum mahse, mipui lamin an tam hneh avangin an sahimna zawngin police te hi an tawlh kir ta zawk a ni.

Thla hmasa khan Hongkong sorkar chuan thil ti suala puhte China sorkar kuta hlan theihna tur dan pass a tum a, dodalna nasa tak avangin he dan hi hnuhlet rih ni mahse, mipui te chuan lehpek awm lo tura dan thar siam tum hi hnawl fithlak \hak nghal an phut a. Hemi bakah hian he dan dodaltu sokarin a man te chu chhuah tir tur leh police ten dik lo taka tharum an thawhna chhui chiang turin sorkar an phut a ni.

Hetihlai hian US President, Donald Trump chuan mipui lungawi lote chu a thlawp tih a sawi a, heng mite hian mipui rorelna an duh laiin sorkar \henkhat mipui rorelna duh lo an awm chu a vanduaithlak a ni a ti.