Sorkar ruahman anga June thla tir a\anga lirthei intlanchhawk dan thar hman tur chu Gauhati High Court-in June ni 6 thleng a tikhawtlai.

0
545
views

Puan tawh angin, lirthei intlanchhawkna dan thar hman tur hi Ukil intelkhawm, Mizoram Bar Association chuan mimal zalenna inrahbeh saknaah ngaiin he dan thar hi hman a nih loh nan Gauhati High Court, Aizawl Bench-ah an khing a. Hemi chungchang ngaihtuahtu Justice Nelson Sailo chuan, hei hi thu tlingah ngaiin, karleh ninagnia hemi chungchang ngaihtuah a nih leh hma chu dan thar hi hmang rih loh turin sorkar chu a hriattir a ni.

High Court-in Sorkar ruahman anga lirthei intlanchawk dan thar hman hun a tih khawtlai chungchang Zonet zawhna chhangin Traffic Management Coordiantion Committee Chairman, Home Minister, Pu Lalchamliana chuan, Court Order anga dan thar chu hman theih a nih rih loh chuan a hmaa intlanchhawk dan hman lai ang chu hman chhunzawm rih a nih tur thu a sawi a. He ruahmanna thar hi mipui tana harsatna siam tumna a nih loh thu leh Aizawl khawpui tawt vanga harsatna thleng mek sutkian a nih theih nana ruahman a ni tih sawiin, ruahman dan chuan dan thar hi June thla chhung enchhin phawt tura tih a ni a. Hei hi ahmaa dan hman sa aia a \ha lo a nih chuan hman chhunzawm zel tur tih a ni chuang lo tih a sawi. Pu Lalchamliana chuan, hetiang hi thil awm dan ni mah se, Hight Court berin hman rih loh tura tih a nih chuan a hma anga kal chhunzawm rih a nih tur thu a sawi.

Puan tawh \hin angin kumin April ni 25-a Coordination Committee on Traffic Management \hukhawm chuan lirthei intlan chhawk dan thar hi an siam a, ruahman dan chuan thawh\anniah lirthei number 1 leh 2 a tawpte an tlan thei dawn lova, thawhlehniah 3 leh 4, nilainiah 5 leh 6, ninganiah 7 leh 8 leh Zirtawpniah 9 leh 0-a tawpte an tlan thei dawn lo a. Lirthei intlanchhawk hian Sorkar chawlh, Inrinni leh Pathianni te a huam lo thung a. He ruahmanna thar hi Mizoram Bar Association chuan mimal zalenna inrahbeh saknaah ngaiin, nimin Gauhati High Court-ah an khing a ni.