Hemi chungchanga vawiin a thuchhuah an siamah MNF chuan, nikum a Assam in National Register of Citizens draft list a tihchhuah khan khatihlaia Congress sorkar chu ram leh hnam himna tura hma la loah an puh a, hemi avang hian MZP mangang chu hmun hrang hrangah an Duty hial a, NRC a chuang lo Mizorama rawn lut tam tham tak an man hial niin an sawi a, hetihlai hian tunhnaia Assam in NRC final list a tar chhuak dawn tih hriat a nih rualin Sorkar thara Home Minister Pu Lalchamliana chuan Mizorama ram dang mi an rawn luh loh na turin venhimna khauh taka kalpui turin Chief Secretary leh Police te a hriattir nghal thung tih an sawi a, ILP diltu te pawh NRC a chuang an nih loh chuan pek chhuah loh tur tih a hrilh nghal bawk a, hei vang hian tun thlengin Assam-in foreigner an tihte Mizoramah an rawn luh loh phah bakah Mizoram chu tun thlengin ala him nia an hriatthu an sawi.
MNF party hian, Tripura transist Camp-a Tuikuk awm te chungchanga Mizoram sorkar hmalakna pawh chhuanawm an tih thu an sawi a, NGO coordination committee ten an lo nawr \hin tih hlawhtlinna turin October thlaa Tuikuk te hruaikir hna thawh leh tur chu a tawpna a ni tawh dawn niin an sawi.
