Yes Bank hi Reserve Bank of India chuan tun thla chawhma lam khan a leiba a rulh theih loh avangin a khuahkhirh a, April ni 3 thleng a tam berah Rs. 50,000/- chin bak bank a\anga lak chhuah theih lovin a khuahkhirh a, Yes Bank dawrtute an buai phah nasa hle a ni.
Sorkar thuchhuah chuan Yes Bank buaina sukiang tura ruahman a siam a\anga dar 18 hnuah harsatna hi chinfel nghal nghal a ni ang tih a sawi. RBI-in Yes Bank a\anga sum lakchhuah dan a khuahkhirh thut avangin Yes Bank hmangtute chuan internet banking te, UPI kaltlanga sum thawnchhuah te, ATM a\anga sum lakchhuahah te harsatna an tawk nasa hle a ni.
Finance Minister, Nirmala Sitharaman chuan Yes Bank din thar lehna tura ruahmanna Reserve Bank of India-in a thlen chu Union Cabinet-in a pawmpui tih a sawi a, State Bank of India-in Yes Bank tan za zela 49 a tum dawn tih a sawi.
