South Africa Politics buaina kal chho mekah Jacob Zuma laka tla tlum tak, India mi pahnih man

0
330
views

South Africa Politics buaina kal chho mekah President Zuma laka tlatlum tak Gupta chhungkaw mi pahnih police ten an man. India mi Gupta chhungkua hi President Zuma laka an tlaktlumna hmanga an sumdawnna kawnga dik lo taka hlawkna tela puh an ni a, Zuma leh Gupta chhungkua hian hei hi an pha thung. Eirukna thubuai dang bakah Gupta chhungkua nena an inzawmna avang hian Zuma hi a party African National Congress ANC chuan inhnukdawk turin a nawr mek a ni. South Africa misual hnuchhuitu pawl, The Hawk chuan Gupta-a chenna in hi an dap ngei tih an sawi a, tualchhung chanchinbute chuan Gupta chhungkuaa mi pathumte chu Police te hian an man tih an tarlang a ni. South Africa President Zuma hian kum 2009 atang khan thuneihna a chang tan a, eirukna thubuaia engemawzat a neih avang leh December thla khan Party President a nihna pawh Cyril Ramaphosa in a thlak tawh avangin bang tur hian na zawka nawr a ni a, thudan dan chuan Zuma hian thla 3 atanga thla 6 chhunga ban a remti a, party hruaitute erawh chuan bang nghal turin an duh thung a ni.