Seoul-a Gangwon Fire Headquarters-a fire captain Choi Jin-ho sawidan chuan he kangmei hi power transformer felhlel vangin Ningani tlai khan an ram hmarchhak lam, Goseong khua-ah a in\an a, thlipui tlehin kangmei hi a bul hnai tlanglam ram ngaw-ah chak takin a ti kai a, Inje county leh Sokcho, Donghae leh Gangneung khawpuite a tuam tel a ni. Sorkar sawidan chuan in 400 leh ram hectare 500-a zau kangmei hian a ti chhia a ni. Mi 4,000 dawn chu an khua chhuahsan tura hriattir an ni a, mi 11 hliamin mi 1 in a thih phah tawh a ni. National Fire Agency chuan kang mei \helh tur hian kang\helh motor 870 leh rikrum thila hnathawktu mi 10,000 tirhchhuah an nih tih an sawi a, heng mite \anpui turin sipai pawlin helicoptor 32 leh anmahni kang\helh motor bakah sipai 16,500 an thawnchhuak bawk a ni.
Governor Choi Moon-soon chuan kangmei chhuah \anna tak hi an \helh mit tawh tih a sawi a, hmun dang erawh chu a la kang mek tih a sawi.
