Heng unau hmeichhe pathumte nu hi an pa ber hian kum tam tak chhung kut a lo thlak fo \hin tawh hnuah nikum khan a chenna in bula lirthei dahna hmunah rawng takin a vit hlum a ni.
Unau hmeichhe pathumte hian President chenna Blue House Website ah ngenna siamin, an pa chu rapthlak taka pawikhawihtu anih avangin vantlang zinga khawsa chhunzawm tlak ni ve loa an ngaih thu leh tunhnuah hetiang thil a tih tawh lohna tuin thi tura a chungthu rel an phut thu an tarlang a, anmahni thlawptu hi mi nuai 1 sing 4 sang 7 chuang an awm tawh a ni. Korea ah hian thi tura misual chungthu rel theihna dan la nung ve bawk mahse, hman zen zen a ni lo a, kum 1997 hnuah thi tura an chungthu relsak an la awm leh lo a ni.
