South Korea Joint Chief of Staff sawi danin North Korea-in tuipuiah missiles pahnih a kap chhuak a, missile pakhat zawk chu km 690-a thui a thleng a, hei hi North Korea-in missile a siamchhuah thar a nih rin a ni.

Missile enchhin hmasak zawk chu zing dar 5:34-ah kahchhuah a ni a, a pahnihna chu dar 5:57-ah an kapchhuak tih JCS chuan a sawi.

Missile kahchhuahte hi Japan tuipuia tla turin km 50-a sangah km 430 vela thui a thlawk a ni.

Japan Defence Minister chuan missile kahchhuah hian an ram tuipui a thleng lo niin a sawi.

North Korea tuipui kam Wonsan-ah missile thar hi tukin khan enchhin a ni a, North Korea hruaitu Kim Jong Un-a’n ruahman lawk loha US President, Donald Trump-a thla hmasaa a kawm hnuah missile a enchhin lehna hmasa ber a ni.