South Korea Police te’n spy-cam hman sualna an chhuinaah Hotel-a thleng mi 1,600 bawr vel chu an hriat loh leh an remtihna tel loa video-a an thla laksakin, live-a en theih tura tlangzarh a ni tih an hmu chhuak.

0
388
views

He thil thlengah hian mi 2 man an ni tawh a, mi dang 2 thu zawhfiah mek an ni bawk a, South Korea chhunga khaw 10-a hotel 30-a pindan 42-ah te camera hi kam ruk a ni a, an video lak te hi live-a en theihin an tlangzarh a, he an tlangzarhna site-ah hian member 4,000 chuang an awm tih police te hian an sawi a, heng camera thuhrukna hotel te erawh chu he thilah hian an inhnamhnawih ve lo nia hriat a ni tih an sawi bawk.
Camera kam ruk chu lo man tawh nual mahse, hetianga live-a en theih tura ruahman hi chu an man chhuah vawi khatna a ni.

Kum 2017 khan hetiang case hi 6,400 thehluh a lo ni tawh a, hmeichhe sang chuangin kawng zawhin South Korea-a dan loa video-a thla inlaksak duhlohna an lantir a, an nundan chu mi ennawm tana hman tur a ni lo tiin lungawi lohna an lo lantir tawh a ni.