South Korea President Moon Jae-in-a’n PM Narendra Modi hnen a\anga a dawn kawrchung chu Modi-a Kawrchung tia a sawi avangin Twitter lamah inhnialna a chhuak.

0
734
views

 

Moon Jae-in hian a kawrchung dawn hi ha in tunhma a\anga India kutchhuak kawr, Modi Vest tia hriat lar a dawn thu leh, Korea-ah pawh mawi na tih thu Twitter-ah a phochhuak a, hemi hnu lawk hian J&K CM hlui, Omar Abdullah chuan hetiang kawrchung hi Nehru Jacket tia koh a nih zawk leh Modi-a’n a hming chawia a thawn kher chu a hriatthiam loh thu a sawi a, lehkhabu ziaktu hmingthang, Ashok Swain pawhin Modi Vest tia koh a nih loh thu leh Nehru Jacket tia koh a nih zawk thu-in Jae-in hi a chhang ve bawk a, Modi chu Nehru nen pawh khaikhin theih a nih loh thu leh Modi-a’n a tluk theih ngai loh tur thu te a sawi tel bawk a ni.

He kawrchung siamtu JadeBlue Lifestyle hotupa, Bipin Chauhan chuan hetiang kawrchung hi a tunhma a\anga hak lar, Nehru leh Sardar Patel te pawhin an ngainat em em a nih thu a sawi a, Jae-in-a hnena pek pawh hi anmahni siam, Modi Kawrchung tia an hralh chhuah a nih thu a sawi a, Nehru-a hak \hin kawrchung aia a sei hret bakah a hatu tan a tawt hret zawk thu a sawi bawk a, kum 1989 a\ang khan Modi-a hak tur kawrchung hi an lo siam tawh \hin thu leh kum 2014 a\ang khan mipui nawlpui zinga a lar \an thu a sawi bawk a ni.

Kum 2012 khan Nehru Jacket hi khawvel huap chanchinbu hriat hlawh tak, Time Magazine chuan incheina lar zual a thlan chhuah 10 zingah a lo telh tawh a ni.