South Korea vau nana North Korea-in indo ralthuam thar a enchhin.

0
529
views

Kim Jong Un chuan ralthuam enchhin tura ruahmanna leh inkaihruaina zawng zawng chu aman a duang vek a ni. June thlaa Kim Jong Un leh US President, Donald Trump te ruahman lawk lova an inkawmnaah khan North Korea leh South Korea inkarah sipai ralthuam reng reng chelek loh nise tih an sawidun a, hemi hnu lawk hian North Korea chuan missile a enchhin leh nghal a ni.

US leh North Korea inkara indo ralthuam chelek khapna kawnga inremna an lo neih tawh chu tharthawh leh turin Kim Jong Un leh Donald Trump te an indawr a, amaherawhchu, US leh South Korea \angrualin a huhova sipai nunchan zirho an tumna boruak chuan thil awmdan a thlak danglam leh thei dawn a ni. US Sipai 30,000 te chu South Korea-ah Sipai nunchan zir tur hian an inkulh a, hei hian North Korea a ti thinur hle a ni.