Spain-ah hian mi sang 8,189 in he hri leng hi an thihpui tawh a, nimina kai thar hmuh chhuah zat chu 9222 an ni a, heti hian mi sing 9 sang 4417 in an kai tawh a, China-a kai zat sing 8 sang 2240 aiin a tam zawk a, mi nuai chuangin an kai tawhna Italy dawtah Spain hi a awm a ni.
Harsatna nasa tak karah Spain-ah hian mipuite an inkharkhip chu hapta thumna a ni ta a, thupek hi khauh leh zuala kenkawh chhunzawm zel a ni. Inkharkhipna thupek hnuaiah hian chhungkaw pakhat a\angin eitur leh damdawi lam tur mipakhat zel chauh chhuah phal a ni a. Inkharkhipna thupek bawhchhia mi 926 police ten an man a, mi nuai 1 leh sang 2 zet thupek bawhchhiat vanga pawisa chawitir an awm tawh a ni.
