Sports Minister, Pu Robert Romawia Royte chu New Delhi-a Sports Minister intawhkhawmnaah a tel a; Ministry hrang hrang hotute a dawr bawk.

0
316
views

Union Sports Minister, Pu Kiren Rijiju hova State hrang hrang Sports Minister-te intawhkhawmnaah hian, Sports Minister, Pu Rober Romawia Royte chuan, Mizoramin infiamna kawnga hma a sawn theihna tur rawtna chi hrang hrang a thlen a. Kumin kumtir lama Union Sports Ministry alo ngen tawh anga Mizorama Football Field pahnih leh Hockey Field pakhat siam remtih a ni chu Mizoram hmasawnna kawnga ke pen tirtu a nih tur thu a sawi a, infiamna kawng hrang hranga chak zawka hmasawn thei turin ruhrel pawimawhte dinna tur Budget Head thar siam \ul a tih thu a sawi.

Tourism Minister nibawk, Pu Robert Romawia Royte hian DoNER Ministry hotute pawh a hmu a, Reiek Tourism Project Phase-I an pawmpuina lehkha an lo pe a. Mizoram State Games, 2019 buatsaih na turin Rs. nuai 250 chiah sum neih lawk a nih avangin Rs. 150 dang pek belh tura a ngenna chu Tribal Affairs Secretary chuan tihhlawhtlin a nih tur thu a lo hrilh a ni.

Pu Robert Romawia Royte hian Union Sports Minister, Kiren Rijiju pawh kawmin Mizoram Sorkarin Sports tihhmasawn nana hma a lak mekna leh puih an ngaihna te a hrilh a. Union Tourism Minister, Pu Pahlab Singh Patel nen an inkawmnaah Mizoram Sorkarin hna hrang hrang thawhna tur ruahmanna a siamte tihhalwhtlin sak turin a ngen a, Mizoram tlawh tur leh Thenzawla Golf Course hawng turin a sawm bawk a ni.