Sports Minister, Pu Robert Romawia Royte-in Mizoram State Games neih tur chu infiammiten chak zawka hma an sawn theihna tura rahbi pawimawh tak a ni dawn tih a sawi.

0
551
views

Mizoramah State pum huapa infiamna, kawng hrang hranga intihsiakna mumal ala awm ngaih loh avangin infiammiten an tuar niin a sawi a, ram pum huap intihsiakna mai ni lo, hmarchhak bial huap intihsiaknaah Mizote an lan lohna a rei tawh a, hei hi infiammite intuaihriamna atan State pum huap intihsiakna mumal a awm loh vang a ni a ti a, tun hnaia Councils of Minister \hukhawmin Mizoram State Games neihna atan Rs. nuai 150 dah a remti chuan infiammite tan hmasawnna a thlen ngei a beisei tih Zonet a hrilh a ni.

Zawhna chhangin Pu Robert Romawia Royte chuan, Mizoram State Games neih tur chu kumtin a neih tur nge kum khat dan zela neih tur tih leh, he intihsiaknaa tel thei tur zawn nan District tinah intihsiakna neih hmasak tur nge, Assembly Constituency anga inelna hi neih tur tih thutlukna mumal taka siam ala ni lo tih a sawi a. Hemi chungchang ngaihtuah tur hian Minister kaihhruaina hnuaiah State Games Implementation Committee din a ni ang a, anni hian Games kalphung tur leh thil \ul dangte an buaipui dawn a ni a ti. Hei bakah hian Sports Secretary kaihhruaina hnuaiah Organising Committee din tur a ni a, District tinah DC-te kaihhruainaa Committee din a ni dawn bawk tih a sawi.

Pu Robert Romawia Royte chuan, infiamna \henkhat a bikin Athletics lam chu hmunhma a awm \hat loh avangin nung taka kalpui nghal a har dawn a, State Games a awm hnuah erawh chuan inpuahchahna \ha zawk an neih theih tawh beisei a ni a ti a. Mizoram State Games ah hian infiama tam thei ang ber telh a ni dawn tih a sawi bawk.