MP thlanna neih tura campaign beihpui thlak mekah Pu Robert Romawia Royte hian Tuichang bial khaw hrang hrang a fang mek a, vawiina Khawzawl Vengthar Bazar-a vantlang inkhawmah thusawiin MNF chu Congress leh BJP thawk dun paih thlatu an ni tih sawiin, Mizo mipui duh dan ni lovin Congress leh BJP chuan Chakma Autonomous District Council-ah Sorkar in\awm an siam a, hei hi MNF Party chuan a namthluin, BJP leh Congress \ang dun chu tho leh mai mai tawh lo turin an hnungkhirh niin a sawi. Pu Romawia Royte chuan, MNF Party chu khawi party mah hlau lo, Vai Party thuhnuaia awm ve lo a ni, a ti a. An Party chu amaha thutawp siam thei leh siam \hin a ni tih sawiin, Mizorama party dangten BJP an thawhpuia sorkar an siampui laiin MNF chu a namthlutu leh BJP thiat darh mektu a ni, a ti.
Khawzawl District Hqrs nia a function \an chho tur chu thinlung taka a lawmpui thu sawiin, Pu Robert Romawia Royte chuan, District tihhlawhtlin kawnga Chief Minister leh Dy CM hmalakna chu chhuanawm a tih thu a sawi a, Budget kalphung hrechiang loten Dist Hqrs thar 3 atana budgeta sum dah chu beitham deuh anga an sawi chu an hriat kim loh vang a nih a rin thu a sawi.
