Sports Minister Pu Robert Romawia Royte leh Sports Authority of India Director General, Pu Sandip Pradhan-in hmeichhe football chawi kan dan tur leh nakuma FIFA Under-17 Women’s World Cup-a ram aiawh tur thlanna Khelo India Football Girls League Mizorama buatsaih dan tur Video Conference hmangin an sawi dun.

0
358
views

An inkawmnaah hian Sports Minister chuan, SAI bultuma hmeichhe football chawikanna tura hmeichhe Football League khelh tur chu thil chhinchhiahtlak tak a ni tih a sawi a, Mipa football-ah engemaw chen hma sawn a ni tawh a, tunah hmeichhe football league buatsaih tur chuan hmasawnna a thlen ngei a beisei thu leh hemi atan hian Mizoram chu theihtawpa a in buatsaih tur thu a sawi.

SAI Director General Pu Sandip Pradhan pawhin, ram chhung state 16 zingah Mizoram chu Khelo India Football Girls League khelhna hmasa ber a nih tur thu a sawi a, naupangte, a bik takin hmeichhia ten sports an tuipui zui nan te, sports culture chawilar zel nante leh nakuma FIFA Under-17 Women’s World Cup atan India team thlan nan te Khelo India Football Girls League chu hman a nih tur thu a sawi. An inkawmnaah hian SAI-in League khelh dan leh buatsaih a tum dante an sawi dun a, Khelo India Football Girls League hi SAI leh AIFF \angdunin a hnuaia football Association inziaklut te nen state 16 ah buatsaih a ni dawn a, nakum March thla velah National level League buatsaih turah kum 17 hnuai lam FIFA Women’s World Cup a ram aiawh tur te thlan an ni leh dawn a ni.