Sri Lanka-a Kattankudy police te’n Easter Sunday-a pawikhawihtu National Thawheedh Jamaath te hmun pui an dap a, muslim hmeichhiate hmaikhuhna hman khap a ni bawk.

Police te chuan pawikhawihna hi tualchhung firfiak pawl pahnih National Thawheedh Jamaath leh Jammiyathul Millathu Ibrahim \ang dunin an thlen niin an ring a, Inrinni khan sorkar chuan emergency dan hnuaiah NTJ pawlte hi dan pawlah a hnawl tawh a ni. Kattankudy khuaa NTK te hmunpui hi an dapnaah mi pakhat an man a, NTJ dintu Zahran Hashim chu Easter-a thihchilh bomb tipuaktute zingah a tel tih police te hian an sawi. Bomb tipuaktute man chhuak tur hian sipai 10,000 tirh chhuah an ni tawh a, President Maithripala Sirisena chuan rinhelh kaite dap chhuah hna an thawhlai hian Muslim hmeichhia te’n puan hmanga an hmai an khuhna, burqa chu hman khap rih a nih thu a puang a ni.