Sri Lanka-a MP Lakshman Kiriella-a’n intelligence lama hnathawkte chu pawikhawihna thleng tur hrilhlawk an ni chunga hma la loah a puh.

0
177
views

Public Enterprise Minister Kiriella chuan Easter Sunday-a pawikhawihna hi India intelligence-in Sri Lanka intelligence-ah April ni 4 khan a lo hrilhlawk tawh thu leh April ni 7 khan President Maithripala Sirisena kaihhruaina hnuaiah Security Council te an \hutkhawm thu te a sawi a, an thu dawn hi zau zawka puandarh a hnekin an thil hriatte thupa hma la loah thuneitute chu a puh a, Security Council chu politics-a inhnamhnawih-ah a puh bawk a, intelligence hnathawkte chu tu emaw thuneihna hnuaiah dah an nih a rin thu sawiin, chhui chiang turin thuneitute a phut a ni.

Sri Lanka Prime Minister Ranil Wickremesinghe pawhin India-in a hrilhlawk thu hi a sawi a, mahse Sri Lanka intelligence-in an thil hriat an hnuaia thawk te hnenah an hrilh chhawn loh avangin hma an lak theih loh thu a sawi a ni. Wickremesinghe chuan pawikhawihtute man an nih theih nan India, USA leh UK intelligence te’n an puih thu a sawi a, tun a an man chin chu Sri Lanka mi leh sa te an nih vek thu a sawi a, mifirfiak te man hi an hna pui ber a nh thu leh man an nih vek hma chu ram mipuite an him loh thu a sawi a ni. Deputy Defence Minister Ruwan Wijewardene chuan bomb tipuaktu 9 te zingah hmeichhia pakhat a tel ve thu a sawi a, pawikhawihnaa thi zat hi 359 an tling chho tawh ni.