Sri Lanka-a sipai leh police \angdunin beihpui an thlaknaah mi 3-in an bomb pai an tipuak a, sipaite hian mi 3 an kaphlum a, civil mi 9 an thi bawk.

0
535
views

Easter Sunday-a bomb tipuaktute Kalmunai bial-ah an biru tih hriattirna an dawn bawhzuiin sipai leh police te hian helai hmun hi an dap a, ISIS puanzar leh bomb tipuaktu te thawmhnaw hak ang an hmu a, mifirfiak te nen hian darkar khat chuang silaia an inkah hnuah, mifirfiak dan chep 3 chuan bomb tipuakin an thihchilh a, hmeichhe 3 leh naupang 6 an thi a, mifirfiak dang 3 kahhlum an ni bawk.

Easter-a pawikhawihna thlen a\anga ni 2 hnuah ISIS pawlte chuan video thlalak an ti chhuak a, heta an hotu Zahran Hashim hi thuneituten an chhui zui nghal a, Colombo Shangri-La hotelah a thi tih an sawi. Sri Lanka President Maithripala Sirisena chuan Sri Lanka-ah hian Islamic State nena inzawm mi 140 vel an awm tih hriat a nih thu leh heng mite hi man an nih theih nan theihtawp an chhuah tur thu a sawi a ni.