Colombo Crime Division leh Special Task Force te \angdunin Modara bialah beihpui an thlak a, hetah hian heng mi 3 te leh an ralthuam te hi an man a ni. Sri Lanka police thupuangtu Ruwan Gunasekera chuan Easter Sunday-a bomb tihpuahnaa inhnamhnawih-a rinhelh kai mi 70 chuang man an nih tawh thu a sawi.
Sri Lanka-a thuneitute chuan bomb puak-a ruang te DNA nena endik an nih hnuah a hmaa thi zat nia an sawi 359 chu, thi zingah taksa peng kim lo a awm nual avangin an chhiar nawn leh a, hei vang hian thi zawng zawng chu 253 an ni ta zawk tih an sawi a ni.
Ningani khan President Maithripali Sirisena chu party hruaitute nen an \hukhawm a, Tamil hel pawlte beih let nana sipai leh police te \angdun pawl chu tihnun leh a nih tur thu a puang a, thuneitute chuan Visa tel lova Sri Lanka lut thei lo turin ram 39 an dang bawk a ni.
