Easter Sunday-a Sri Lanka beihna hi eng pawl mahin an tihah an la chhal lo a, police thupuangtu Ruwan Gunasekera chuan mi 40 man an nih tawh thu a sawi a, Sri Lanka mi an ni tlangpui a, ram pawn mi an inrawlh leh rawlh loh an chhui mek tih a sawi.
Thuneituten pawikhawihtu zawn hna chak zawka an thawh theihna turin sorkar chuan emergency a puang a, emergency hnuaiah hian thuneitute chuan court order ngai lovin mi rinhlelh kaite manin thu an zawtfiah thei dawn a, pui turin US a\angin Federal Bureu of Investigation mi leh sa te thawn luh an ni dawn bawk.
Journalist te lehkha pawimawh hmuhchhuahah chuan police te hian April ni 11 khan ram pawn lam intelligence agency-in tualchhung ISIS pawl pakhat National Thawheed Jama’ut te’n biak in te beih an tum tih an lo sawi lawk tawh a, Sri Lanka-a venhim hna thawktuten hei hi an bawhzui em tih chu hriat theih a la ni lo a, Sri Lanka sorkar chuan he pawikhawihna a dan zawh loh avangin mipui hnenah ngaihdam a dil a ni.
