Sri Lanka khawpui Colombo-ah bomb hmuh chhuah a ni a, Colombo bulah bomb dang tihpuah leh a ni bawk a, thi leh hliam an awm lo a ni.

0
347
views

Easter Sunday-a bomb tihpuah-ah mi 359 an thih hnuah Colombo bazar lun laiah bomb hi hmuhchhuah leh a ni a, security guard pakhat sawi dan chuan zing dar 6-ah tualchhung police te’n motorbike-a bomb thuhruk hi an sût a, bike pawh hi an la sawn bawk a ni.

Pugoda-a magistrate court hnungah bomb pakhat tihpuah leh a ni bawk a, police thupuangtu Ruwan Gunasekera chuan an chhui mek thu a sawi a ni. He bomb tihpuahnaah hian thi leh hliam report awm lo mahse ram mipuite a tithlabar hle a, Sri lanka President Maithripala Sirisena chuan party zawng zawng te ko khawmin tun dinhmun leh hma an lak zel dan tur sawi hona hun a a siam a, police hotu \henkhat leh defence secretary te banna thehlut tura hrilh an ni bawk a ni.

Sri Lanka-ah hian central bank-te khar a la ni a, Catholic biak in te pawh khar lailawk vek turin hrilh an ni a, Civil Aviation Authority chuan ral a\anga thunun theih thlawkthei thil reng reng hman an khap rih bawk a ni.