Maithripala Sirisena hian an ram dinhmun enin emergency hi pawhsei \ula a lan avangin puan chhunzawm a ni a ti a, emergency puan anih lai hian police leh sipaiten thuneihna sang tak an nei a, rinhlelh zawng dap theihna leh man theihna te pek vek an ni.
April thla Easter Sunday-a Sri Lanka beihna kaihhnawihah hian mawhphurtua puh mi 100 chuang hren mek an ni a, an zingah hian hmeichhia 10 an tel a, kha beihnaah khan biak in 3 leh hotel changkang 3 ah te thihchilh bomb tihpuah a ni.
Tunhnaiah Sirisena hian Australia, Canada, Japan, US leh Europe ram palaite hnenah an ram dinhmun a pangngai leh tawh tih leh emergency pawh tihtawp a ni ang tih lo sawi tawh mahse, tuna pawhsei leh a tum takna chhan hi puanzar a la ni lo a, an ram danpui hnuaiah emergency hi thla khat zela pawhsei theih a ni a, parliament in ni 10 chhunga a pawmpui erawh a \ul thung.
