Sridevi thih dan UAE-in chhui mek

0
571
views

Lemchan thiam Sridevi thih dan chungchang chiang zawkin chhui mek a ni tih Rajya Sabha MP, Subramanian Swamy chuan a sawi. Sridevi thih dan hian titi a ti tam hle a, lungphu chawla thi nia a tira puan a nih laiin, a ruang endiktute chuan tui hak vanga thi niin an sawi thung a, a taksa an endikna-ah zu a awm ni a an sawi bawk avangin thu chiang tak hriat theih a ni lo a, a chhungte lam pawhin tunhmaa lung lam thatlohna a neih ngai loh thute an sawi ve bawk a ni. Dubai Public Prosecution chuan Sridevi thih dan hi an chhui mek tih an sawi a, a pasal, Boney Kapoor pawh thu an zawhfiah tawh thu te leh, India ram lama a damdawi lehkha pawimawh te pawh an chah mek thu an sawi bawk a ni. Heng thil-te avang hian Sridevi ruang hi India panpui mai theih a la ni lo tih Dubai Police-te chuan an sawi bawk a ni. UAE-ah hian an ram chhunga ramdang mi thi an awm reng rengin, khuarel thihna pawh ni mahse, chipchiar takin an chhui thin a, hei hi an ram dan a nih avangin, vawiin lama Sridevi ruang haw pui tum pawh tihkhawtlai a ni a, UAE-a India sorkar aiawh, Vipul pawhin a rang thei ang bera ruang hi hawpui theih an inbeisei reng thu a sawi a ni.