State Assembly inthlan hmabak, Rajasthan leh Telangana-ah te party hrang hrang an campaign nasa hle a, Telangana-ah vawiin khan Congress President Rahul Gandhi leh PM Narendra Modi-te an campaign a, Rajasthan-ah BJP President Amit Shah leh UP CM Yogi Adityanath-te an campaign ve bawk.

Telangana-ah hian Pathianni khan Adityanath hi a lo campaign tawh a, muslim pawl All India Majlis-e-Ittehadul Muslimee hruaitu, Asaduddin Owaisi vauna lam hawi thu a sawi vangin inhnialna achawk chhuak a, Rahul Gandhi leh Modi-te pawh mimal takin an inbei nual bawk a ni. Rajasthan lama thu a sawina-ah Amit Shah pawhin Congress chu mipui zawng zawng hmasawnna ngaihtuah aiin hnam tenau zawkte thlem lungawi tumah a puh a ni.