Vawiin khan Aizawl Press Club-ah SBI Regional Manager Pu Lalchangliana leh Chief Manager SLBC Pu Ralkhuma Ralte ten hemi chungchang hi an sawifiah a. Regional Manager Pu Lalchangliana chuan Ningani khian Zarkawt Recreation Centre-ah customer outreach programme hi neih a nih tur thu sawiin, Aizawl khawpui chhunga bank hrang hrangte dawr theihin an in hawng dawn a, loan chi hrang hrang la duh tan pawh ngaihven theih a nih tur thu a sawi a, sanctioning letter leh provisional sanctioning letter te an pek chhuah nghal tur thu a sawi. Pu Lalchangliana hian Customer Outreach Programme hi Octrober ni 4-ah Lunglei UD&PA Hall-ah neih chhunzawm leh a nih tur thu a sawi.
