State level ODF verificaion team chu vawiin khan ICT Conference Room-ah an \hukhawm a, faina leh thianghlimna kawnga hmalaknaa pawn lera inthiar awm lohnaa Aizawl, Lawngtlai, Lunglei, mamit leh Siaha District-te puan a nih theih nana endikna kalpui a nih dan, Verification Report hrang hrang an thlir ho.

0
677
views

Mizoram chu pawnlera inthiar awm lohna ODF State-a puan a lo nih tawh angin State level ODF Verification Team hian hmun hrang hrangah endikna an kalpui mek a, tunah hian District 8-a RD Block 24 endik tawh niin, RD Block 2 – Lungsen leh Bunghmun chauh hmabak an nei tawh a. Champhai, Kolasib leh Serchhip District chu pawnler a inthiar awm lohnaa puan a ni tawh bawk.

Meeting hmasa an lo rel tawh angin, Plastic lam chi leh Plastic hmanga siam bungrua chi hrang hrang hman nasat avanga environment chhe zel tur ven nan Plastic lam kaihhnawih hmang tlem tura inzirtirna ni pawhfawmin, state level ODF verification team hian Plastic a\anga siam bottle hmang lovin thil dang a\anga siam an inchhawp a ni. He \hutkhawmna hi ODF verificaion team chairman, PHE Secretary, Pu KT Beicho-a’n a kaihruai a ni.