State level Road Safety Council chu vawiin khan an Chairman, Transport Minister, Pu John Rotluangliana hovin a pisa-ah an \hu khawm a, lirthei khalhtute fimkhur tura inzirtirna hapa, Road Safety Week chu February ni 12 a\anga ni 18 chhung hman ni se an ti a, Pu John Rotluangliana chuan, lirthei chesual vanga chhiatna hrang hrang thleng \hin titlem tura \an lak a \ul thu leh kumina Road Safety Week hman tur chu kum dang aia hlawk zawka hman a nih theih nan mipui beng thleng tura zau zawka inzirtir a pawimawh thu a sawi. Kumina Road Safety Week hman tur pual hian lirthei khalhtute tan a thlawna inentirna bakah Talk Show leh Live Phone-in Programme buatsaih ni se tih an rel a. Mipui hnena zau zawka puanzar a nih theih nan Sub-Committee din ni se an ti bawk.
He sawihonaah hian Transport, Home, UD&PA, Finance, ICT, I&PR, Health, School Education, Higher & Technical Education leh Excise & Narcotics Department hotute an tel a ni.
