Inter ministerial team hi state pali-ah tirh an ni a, state pathum chu eptu party te rorelna a ni.
Central Team hian Maharashtra-a Pune khawpui te, Rajasthan-a Jaipur khawpui te, West Bengal-a Kolkata, Howrah, Midinapur East, 24 Parganas North, Darjeeling, Kalimpong leh Madhya Pradesh-a Indore te an tlawh a ni.
Central sorkar chuan khawpui hrang hrangah mipui kharkhipna thupek siam chu kenkawh \hat a ni lo tih a sawi a, state \henkhat chuan Covid-19 hri leng kai an neih zat an report dik lo nia sawi a awm bawk. Central Team in an tlawh zingah hian Madhya Pradesh chauh hi BJP sorkarna a ni.
West Bengal-a rorellai Trinamool Congress chuan Central Team in Gujarat, Tamil Nadu, Uttar Pradesh, Telangana leh Delhi te an tlawh ve loh chhan a zawtlet a, Chief Minister Mamata Banerjee chuan Prime Minister Narendra Modi hnenah lehkha thawnin central team in an tlawh chungchang hi a zawtfiah a, Trinamool Congress party hian an State-a District pali ah te hian coronavirus kai hmuh chhuah an awm lo tih a sawi. Trinamool MP Derek O’Brien chuan state sorkarin virus an beihlet laiin central sorkar chuan state \henkahtte a bei thung a ni a ti.
