Sudan rama Russia sorkar palai thiin chhar

0
493
views

Sudan rama Russia sorkar palai, Mirgayas Shirinsky-a chu Khartoum khawpuia a chenna ina tui chenna, swimming pool-ah thia hmuh a ni a, kum 62 mi a ni. Sudan Police thupuangtu sawi danin, an ram sanaa nizan dar 7:05 vel khan Shirinsky-a ruang hi chhar a ni a, a lan danah chuan mi dang thah a ang lo niin a sawi. Russian embassy thupuangtu, Sergei Konyashin pawhin Shirinsky-a hi lungphu chawla thi a nih a rinawm ber niin a sawi. Sudan sorkar hotute chuan Shirinsky-a ruang hi Khartoum-a ruang dahna hmunah dah phawt a ni a, Russia Foreign Ministry thuchhuak ngaihchan mek a ni. Shirinsky-a hi Arabic tawng leh saptawng nal taka hmang thei, kum 1977 atanga Russia sorkar palai hna thawk tawh a ni a, Egypt, Saudi Arabia leh Yemen-ah te pawh a lo awm tawh a ni. Kum 2013 atang khan Sudan ramah hian a awm a, a hma chiahin Rwanda ramah dah a ni bawk.