Sumdawnna hmanga indona kal zelah, US chuan China a\anga a bungraw lakluh US Dollar tld 200 hu-ah chhiah a lak belh leh.

0
323
views

 

US-in chhiah a lak belh leh tak avang hian China a\anga an chawk luh US Dollar tld 505 hu bungraw hrang hrangah chhiah thar chawi a ngai tawh dawn a, tun \uma chhiah punna te hi chhungkua leh mimal hman chi inchhung bungrua leh lirthei lam kaihhnawih thil-ah a ni hlawm a, tun thla ni 24 a\ang hian hman \an a ni dawn a, heng bungrua US-a chaw lut tur hian China company-te chuan chhiah za zelah 10 an chawi belh dawn a ni.

Puan tawh angin China chuan chhiah lak belh a nih chuan a chhan let ve tur thu a lo puang tawh a, US siam chhuah an rama lakluh \hin US Dollar tld 60 hu-ah chhiah thar a bel ve tur thu a lo puang tawh a ni. US President Donald Trump chuan China hi US sum dinhmun dipdal thei zawnga khawsa lo tura a duh thu a sawi leh a, thla eng emaw zat chu intluktlanga chhiah la tur leh China company an dawr anga US company-te an dawr ve an duh thu a saw bawk a, hetih lai hian China lam thuneitute chu sumdawnna kawnga an indawr dan siam \ha turin a sawm reng tho a ni.