Sunday School pawl siam rem ni leh hming ziah fel ni hmang dawn

0
303
views

Nakt<k, Pathianni hi kumin atana Sunday School pawl siam rem ni leh hming ziah fel ni atan hman a ni dawn a, puitling leh naupang Sunday School-ah pawh hetiang hian hun hman a ni ang. Kuminah hian Mizoram Presbyterian Kohhran chuan Puitling Sunday School-ah “Chronicles I & II hrilhfiahna” an zir dawn a, Rev. Dr. K. Lallawmzuala ziah a ni a. Zirlaibu hi copy 80,000 chhut a ni. Mizoram Presbyterian Kohhran Puitling Sunday School zirlaibu hi Mizoram Synod hnuaia Kohhran zawng zawngte zirlaibu a nih bakah Presbyterian Church of Myanmar (PCM) hnuaia Phai Synod pumpui chuan an zirlaibu atan an hmang ve nghal zel a. Presbyterian Church of Myanmar leh Mizoram Synod rawngbawlhona thuthlung angin Mizoram Synod chuan kum tin copy 1,000 vel, a thlawnin Presbyterian Church of Myanmar hi a pe \hin a ni.

Mizoram Baptist Kohhran pawhin Sunday School \an ni leh Pawl siamremna atan naktuk hi a hmang dawn a. Chawhma Inkhawm banah Sunday School hun pangngaiah hming ziak leh pawl siam rem hi neih nghal tur a ni ang.