MNF \halai thuchhuah tarlan danin Nursery veng retailer in buhfai bag a sem chhuah hi Tanhril Kudam a\anga lak nia hriat a ni a, department pawhin a phurtu lirthei leh a khaltu pawh an hre tawh tih an sawi a, Department pawhin FIR an thehlut tawh a ni.
Supply Minister Pu Rintea chuan, buhfai bag tam tak zingah bag pakhata lung lo awm chu pawi a tih thu a sawi a, Hunthar vengah pawh bag pakhat uih a lo awm tawh thu sawiin he thil hi an ngai thutak hle tih a sawi a, a thlen nawn tawh loh nan hma an lak nghal thu a sawi. Pu Rintea chuan, buhfai chhia leh eitlak loh thleng ngai a awmin sorkarin sum tam tak a hloh phah \hin tih a sawi a, retailer te pawh buhfai tha lo an sem loh nan fimkhur turin a chah a ni.
Minister hi Supply Director, Dr. Lalhriatzuali Ralte, MNF \halai Vice President Pu Lalzahawma Khiangte leh hruaitu dang ten an \awiawm a ni.
