Rahul Gandhi hi Rafale chungchanga Supreme Court thuchhuah sawi chhawng dik loa puhin BJP party te chuan a lakah thubuai an thehlut a, karleh Thawhlehni khian a chungthu ngaihtuah tur a ni a, hemi hma hian Supreme Court chuan a thu a thusawi sawifiah turin Rahul Gandhi hi kar khat chhung hun a pe a ni.
Congress President hian Uttar Pradesh Amethi-a a thusawinaah Supreme Court-in media dapchhuah lekha pawimawh te chu Rafale indo thlawhna chungchanga finfiahnaah hman a nih theih tura an puan chungchang a sawi a, Supreme Court hian rorelna dik kalpui a tum thu a sawi avangin lawmthu a sawi a, ram pumin Prime Miniser hi rukru a ni tih an sawi a ni a ti a, hemi chungchangah hian Chief Justice Ranjan Gogoi-a kaihhruai bench chuan mipui hmaa Rahul Gandhi thusawi hi a dik lo a., lekha pawimawhte finfiah nan-a hman theih an nih tur thu chauh court chuan a sawi a ni an ti.
