Speaker chuan MLA te chu a mal te tea a hnena kal tur leh an banna thehlut turin a lo ngen tawh a, amaherawhchu, venhimna tel lo chuan an kal ngam lo tih sawiin, an banna chu hnukdawk tura nawr luiah Congress an puh a ni. Justice DY Chandrachud chuan an duhthlanna dik tak a ni ngei em tih finfiahna turin hmalak dan tur a awm a, Bengaluru emaw hmun dangah emaw pawh observer an ruat thei a, chung mite nena video conferencing hmanga sawi hona neia thutlukna siam turin Speaker chu a ti a, Speaker chuan Supreme Court chu thuthlukna siam nan kar hnih chhung hun pe turin a ngen a ni.
Madhya Pradesh sorkar laka helte chu Madhya Pradesh-ah an let leh phawt a \ul tih Speaker chuan sawi a, Ukil leh Congress hruaitu, Abhishek Manu Singhvi te chuan video conferencing hmanga inbiak chu an duh khawp lo tih an sawi bawk.
