He dan hi British hunlai, kum 1860 a\anga hman \an tawh kha a ni a, he dan hnuaiah hian anpui kawpte chu kum 10 thleng lung-in tan tir theih an ni a, he dan hi khauh taka kenkawh erawh a ni ngai lo a, mahni anpui kawp \hinte chuan police leh thuneitu dangte’n midangte rikrap emaw, vau nan emaw an hmang \hin niin an lo sawi fo tawh \hin a, he dan hlip tur hian kum 10 vel chu an bei tawh a ni.
Chief Justice of India Dipak Misra chuan IPC Section 377 hi a famkim lo hle niin a sawi a, an kawp duhzawng an kawp avanga mi hnuaichhiah emaw hrem emaw chu zalenna rahbehna lian tak a ni a ti a, mahni anpui kawp \hinte lakah hian thupha chawi tur tam tak a awm nia a hriat thu te a sawi bawk a ni. He thutlukna siamtu zing ami, Justice AM Khanwilkar pawhin inthliar hrang loa khua leh tui zawng zawngte dikna leh chanvo humhalh chu ram danpui pawhin a thil duh leh tum ber a nih thu a sawi.
