Sweden company Ericsson te’n Reliance Company an khinnaah Supreme Court-in Anil Ambani thiam loh a chantir.

0
362
views

Kum 2014 khan Ericsson India hian an network enkawl turin Reliance Company nen hian kum 7 chhung atan inremna an ziak a, Anil Ambani company hian cheng vbc 550 a bat chu a rulh let loh avangin Ericsson company hian Anil Ambani, Reliance Telecom hotulu Satish Seth leh Reliance Infratel Hotulu Chhaya Virani te Supreme Courtah a khing ta a ni. Ericsson aiawha ding ukil Dushyant Dave-a chuan Rafale tan sum an neih laiin vbc 550 pek a tiam a hlen chhuak thei lo chu thil mak tak a ni a ti.

Justice RF Nariman leh Vineet Saharan te’n hemi chungchang an ngaituah hnuah heng company pathum te’n a hmaa ni 120 chhunga vbc 550 Ericsson te hnena pe tura an thupek chu an zawm loh avangin Ambani hi thiam loh chantirin kar 4 chhungin vbc 453 Ericsson hnenah pe turin thu a pe a, he thu hi a zawm loh chuan thla thum lung ina a tan theih tur thu an sawi a, Reliance Communication, Reliance Telecommunication leh Reliance Infratel te chu cheng vbc 1 \heuh kar 4 chhungin court registry-ah pe turin thu a pe bawk a, an pek loh chuan Anil Ambani chu thla khat dang tantir belh anih tur thu court chuan a sawi. Court registry-a Reliance Group te’n an lo pek tawh cheng vbc 118 hu chu kar khat chhungin Ericsson hnena pek turin thu an ti tlu bawk.