Pastoral Committee meeting hi Synod Moderator Rev. R. Lalhmingthanga’n a kaihruai a, Synod Secretary Rev. R. Vanlalnghaka report danin kum 2018 Synod-in Pastor leh Pro. Pastor a sawnte leh an awmna tura a ruat thar Pastor 77 leh Pro. Pastor 30, an vaiin mi 107 te chu January 13, 2019 khan an awmna tur \heuhah dah ngheh an ni a, Pastor zirna sang zawk bei mekte induction neih hun atan tun thla ni 12 ruat a ni bawk. Synod Pastoral Ministry hian Synod Inkhawmpuiin a thlan, ‘Thlarau rah – Insumtheihna’ tih thupuiah a hmang a ni.
