Syria Ghouta la ralmuang lo, thawhtanni khan mi 77 an thih belh

0
529
views

Syria ram khawpui Damuscus depa hel pawlte inkulh-na, Ghouta chu an ram sorkar sipaiten an la bei chhunzawm zel a, Red Cross leh Red Crescent-te tanpuina tur truck lian tlan luh phal ni mahse, boruak a la ralmuang lo hle a, nimin khan mi 77 an thih belh leh tih thuneituten an sawi. Doctor-te hei bakah hian chawlhni kaltaa thi, nimin lama an ruang hlawm theih chauh mi 12 an awm tih an sawi bawk a ni. Puan tawh angin Ghouta khawchhak lamah hian Syria sorkarin hel pawlte hual betin beihpui a thlak thar leh a, chawlhkar hnih chhungin civil mi 700 vel an thi tawh a, ei tur leh chenna mumal nei lo mi 400,000 vel an tang mek a ni. Ghouta-a chengte dinhmun hi a khirh hle a, tlawmngai pawl pahnih, International Committee for the Red Cross leh Syrian Arab Red Crescent-te’n tanpuina an phurh luh remtih a nih hnuah pawh, thuneitute chuan ei tur an sem fel hma in sorkar sipaite’n hmun hrang hrang an ralsai leh niin an sawi a ni.